Kitabişləmə və  komplektləşdirmə şöbəsi - Ədəbiyyatın texniki cəhətdən işlənməsi kitabı şəxsi kitablardan fərqləndirməyə, hansı kitabxanaya və fondun hansı şöbəsinə aid olduğunu, rəfdə tutduğu yeri, hansı kataloqa daxil edildiyini aydınlaşdırır.

Səyyar şöbə – Bakıda yerləşən bir sıra müəssisə, idarə və təşkilatlarda, yaşayış sahələri nəzdində kitabı oxuculara çatdırır. Səyyar kitabxanaçı işlədiyi məntəqələrdə yeni kitabların icmalı ilə oxucuları tanış edir.

Kütləvi şöbə - Dövlət bayramlarına, əlamətdar günlərə, yubileylərə, kitab təqdimatlarına həsr olunmuş müxtəlif tədbirləri təşkil edir.

Azərbaycan abonement şöbəsi – Azərbaycan dilində olan ədəbiyyatın kitabxanadan kənar istifadəsi  üçün şərait yaradır, kitabın istifadə dairəsini genişləndirir.  

Rus abonement şöbəsi - Kitabxananın fondunda rus dilində olan ədəbiyyatdan oxucuların istifadəsini həyata  keçirir.  

Qiraət zalı – Qiraət zalında elm sahələri, ədəbiyyatın növü, nəşr dilləri üzrə müxtəlif oxucu qruplarına  xidmət göstərilir. Zalda əlifba, sərlövhə, sistemli kataloqlar, müxtəlif kartotekalar və internet  şəbəkəsinə qoşulmuş kompyuterlər oxucuların istifadəsinə verilmişdir.